تملك مسكن وزيارتي لسفارة الفلبين ..

كومبلكس · 08-01-12, 20:24

مرحبتين كبار بالشبيبة ..

ما اخفيكم كنت اخطط لشراء فيلا في سيبو أو دافاو ..

المهم رحت للسفارة الفلبينية امس .. وقابلت نائب السفير السيد اوول .. اللي صراحة استقبلني بترحاب كبير جداً ..

وشرحت له رغبتي في امتلاك فيلا .. وسألني عدة اسئلة منها : انت متزوج فلبينية ههههه

المهم طلع القانون ما يسمح للأجانب بامتلاك اي عقار سواء أرض او مسكن والخ ..

وسألته عن الأجانب اللي متقاعدين ومقيمين في الفلبين وعندهم بيوت ومحلات ..

قال هذولي متزوجين فلبينيات .. والعقار يكون بأسم الزوجة .. واما المحلات والانشطة التجارية فباسم الأجنبي ..

وقالي سالفة رئيس قديم للفلبين وكان حازم وشديد وهو اللي وضع الدستور الفلبيني .. ومنع فيه امتلاك الاجنبي للعقار ..

ويقول أن الحكومة الفلبينية الآن تفكر في إعادة صياغة الدستور وتفكر في السماح للاجانب بامتلاك العقار لأنه الفلبين انفتحت على العالم ولكن متخوفه تكون النتيجة سلبيه ..

لأن الأراضي والعقارات رخيصة وبتجيب الكثير من الأجانب عشان يتملكون وهذا ممكن ينعكس سلباً على البلد ..
هذا غير أن الشعب ما يبي هالشي ..

وقالي أنه فيه حل وهو ايجار طويل الأمد 20 سنة او 50 والخ .. بس يقول صعب تلقى لأن هالنوع من الإيجار غير مجدي للمالك .. فيأجرها يومي للسياح احسن له ..

المهم يا شباب أنه حالياً ما يقدر الأجنبي يتملك في الفلبين .. وصراحه كان من احلامي شراء فيلا هناك .. لكن ماظبط الموضوع ..

والحين بدور لي على بلد ثاني اشتري فيه فيلا .. ولا ادري وش الوضع .. !!

ولحد يسألني عن اسباب شراء فيلا في الخارج .. تملك مسكن وزيارتي لسفارة الفلبين .. تملك مسكن وزيارتي لسفارة الفلبين

تملك مسكن وزيارتي لسفارة الفلبين .. تملك مسكن وزيارتي لسفارة الفلبين

هذا موضوع ثاني وسيكرت هههههه

على العموم انا وصلت لنائب السفير ان الشباب السعودي يحب الفلبين ويحمل للشعب الفلبيني الود والاحترام .. واننا نلقى من المسئولين والشعب الفلبيني حسن المعاملة والابتسامة الدائمة وهذا شيء يميز الفلبين عن بقية الشعوب .. وقلت له ان فيه مواقع عربية كثيرة معنية بالسياحة لجميع دول العالم ودائماً ما تلقى لقسم الفلبين عشاقه الخاصين .. :)

وقالي سلمني على الشباب وقل لهم الفلبين يرحب بكم ونحن سعداء بزيارتكم لبلدكم الثاني الفلبين ..

وشكراً للجميع ..

المصدر: المسافر السياحة و السفر

الرحال المغترب · 08-01-12, 20:29

لله يهديك ليش تروح لنائب السفير كان سألتني وأعطيك الحل ... في مثل يقول القانون مايوضع إلا ليخترق اصلا لو كنت متزوج من فلبينية ماأثق اكتب العقار بأسمها حتي لو عندي منها عيال ... الحل انك تشتري شقه فتملك شقه للأجانب مسموح أما الفلل لا

شكل الأدمان الفلبيني وصل لك مثل ماوصل لي وتفكر بالإقامة الدائمة هناك نقره لعرض الصورة في صفحة مستقلة

كومبلكس · 08-01-12, 21:00

شكراً لك اخوي الرحال المغترب ..
ما سألته عن الشقق لكن كلامنا كان حول التملك بشكل عام ..
هل انت متأكد أن الشقق مسموح امتلاكها للأجانب .. ترا هالتصريح خطير ممكن اجيك الحين في بيتكم واتفاهم معك لا يف هههههه

عبدالله 1 · 08-01-12, 21:39

الله يسلمك ويسلمه
وصدقت ان ما يحببنا للورده هي الابتسامه التي نقابل بها هناك

و نعم لا يمكن ان تستثمر او تشتري اي عقار الا باسم فلبيني

تويوتا · 08-01-12, 21:47

مسموح تشتري شقه لكن اسعارها شوي غاليه من 200 الف وطالع اما اذا كنت تبي بيت مالك الا تشوف لك فلبيني ثقه (وين تحصله هذا) و تشتري البيت بأسمه و بنفس اليوم تسوي عقد اجار بينك و بينه مثلا 1000 سنه ب1000 بيسو تدفع مقدما وخلاص يسير البيت ماجر عليك لمدة 1000 سنه

زير اندونيسيا · 08-01-12, 22:04

اقتباس:

المشاركة الأصلية كتبت بواسطة تويوتا

مسموح تشتري شقه لكن اسعارها شوي غاليه من 200 الف وطالع اما اذا كنت تبي بيت مالك الا تشوف لك فلبيني ثقه (وين تحصله هذا) و تشتري البيت بأسمه و بنفس اليوم تسوي عقد اجار بينك و بينه مثلا 1000 سنه ب1000 بيسو تدفع مقدما وخلاص يسير البيت ماجر عليك لمدة 1000 سنه

اخوي تويوتا 200الف ريال ممكن توضح وشاكر لك مقدما

qassimy · 08-01-12, 22:09

ياشباب حيرتونا مسموح شراء وتملك الشقق ولا لا نقره لعرض الصورة في صفحة مستقلة

كومبلكس · 08-01-12, 22:12

اقتباس:

المشاركة الأصلية كتبت بواسطة تويوتا

مسموح تشتري شقه لكن اسعارها شوي غاليه من 200 الف وطالع اما اذا كنت تبي بيت مالك الا تشوف لك فلبيني ثقه (وين تحصله هذا) و تشتري البيت بأسمه و بنفس اليوم تسوي عقد اجار بينك و بينه مثلا 1000 سنه ب1000 بيسو تدفع مقدما وخلاص يسير البيت ماجر عليك لمدة 1000 سنه

اخوي تويوتا اتمنى ان فيه تملك للشقق .. على الاقل نحقق نصف الحلم .. :)
وسالفة اني احط الفيلا باسم فلبيني واستاجرها منه ماحس انها مريحة ..

ياليت توضح لي لو فيه شقق راقية في مكتان في سيبو .. او في افضل المناطق في دافاو .. او اي معلومات في هذا الجانب قد تفيدني ولك الشكر ..

كومبلكس · 08-01-12, 22:15

اقتباس:

المشاركة الأصلية كتبت بواسطة qassimy

ياشباب حيرتونا مسموح شراء وتملك الشقق ولا لا نقره لعرض الصورة في صفحة مستقلة

والله الشباب قالوا فيه تملك شقق .. وهذا خبر سعيد صراحة ..
والغريب ان نائب السفير ما علمني عن هالشي .. !!
يمكن لأن نقاشنا كان عن التملك بشكل عام وكنت مركز على الفيلا ..

qassimy · 08-01-12, 22:46

اقتباس:

المشاركة الأصلية كتبت بواسطة كومبلكس

والله الشباب قالوا فيه تملك شقق .. وهذا خبر سعيد صراحة ..
والغريب ان نائب السفير ما علمني عن هالشي .. !!
يمكن لأن نقاشنا كان عن التملك بشكل عام وكنت مركز على الفيلا ..

والله يالغالي بحثت بمواقع اجنبية كثيرة وهذا اللي لقيته

Foreigners cannot own land, but can own condominium units or apartments in high-rise buildings as long as the foreign proportion does not exceed 40%

بمعنى انه لا يمكن للاجانب تملك اراضي , ولكنهم يستطيعون تملك شقق او وحدات سكنية في مباني شاهقة طالما حصة الاجنبي ماتتجاوز 40 % !!
طيب و 60 % لمين , لازم شريك فلبيني يعني ؟!

تملك مسكن وزيارتي لسفارة الفلبين ..

تملك مسكن وزيارتي لسفارة الفلبين .. مرحبتين كبار بالشبيبة .. ما اخفيكم كنت اخطط لشراء فيلا في سيبو أو دافاو