تقرير زيارتي للبحرين ونصيحتي للزملاء العسكريين

[كلنا عيال 9]

تقرير زيارتي للبحرين ونصيحتي للزملاء العسكريين

بسم الله الرحمن الرحيم .

اكتب لكم تقريري لزيارتي لمملكة البحرين ليوم الجمعه الموافق 6/10/1433هـ ، بداية الرحله من الرياض بالسياره الساعه 9 مساء ودفعت رسوم دخول الجسر الساعه 12:04
الحمد لله ماكان فيه زحمه الا خفيفه
وصلت للجوازات السعوديه وهنا بدت المشكله وصلت للموظف وقال :
وقف سيارتك ورح بإجازتك للضابط المناوب وخله يشرح لي على الاجازه ، وورقة الجمارك بتكون معي
قلت اوك ، رحت للضابط المناوب وانتظرته اكثر من 10 دقايق ، دخل الضابط وكان برتبة نقيب واسأل الله ان الله لاييسر أموره ويعسر له كل صغيره قبل الكبيره .
قلت : السلام عليكم ، ومارد السلام وقال : عسكري ومامعك وثيقه ديور ؟؟؟
انا هنا دخلت بصدمه عاطفيه ونفسيه وجسديه ، قلت: يابن الحلال انا جاي من الرياض وهذي اجازتي الخارجيه ومايعطونا غيرهاا ، قال : لآلآ جب لي الوثيقه . قلت:يابن الحلال انا اكثر من 7 مرات اطلع للبحرين بإجازتي وطق الجهاز وتاكد ؟حاولت وحاولت معه ورفض وكان اسلوبه زفت الله لايوفقه .
وكان حجته انه يبغى ورقة قرار ، يعني ورقه مكتوب فيها من قائد وحدتك انا اللواء او العميد او العقيد فلان بن فلان بحسب الصلاحيات المخوله لي أسمح بالسفر لـ (كلنا عيال 9 ) إلى مملكة البحرين ونتحمل كامل المسؤوليه والخ .

جلست اكثر من ساعه بالاداره حقت جوازات الجسر ورجعت للموظف نفسه وحاولت معه وقال:لآ ماقدر هذي فيها مسائله
بعد أحداث البحرين صار الوضع يختلف للعسكري خاصتن للبحرين ، لكن قطر دبي مافيه مشكله..
تحطمت وبديت افكر وش اسوي ، اهرب ؟أقتحم البوابات؟اروح تهريب؟أروح سباحه؟
رجعت مره ثانيه لإدارة الجوازات ولقيت جندي الله يوفقه ويرزقه بالجنه ، وكلمته وفهمته الوضع كله وقال : رح لفلان وقوله : يختم لك .
رحت لنفس الموظف وقلت له فلان يقولك أختم لي , وختم لي وركبت سيارتي وآكل المطبات أمشي 120 ، دخلت حدود البحرين وانا مرتاح وادعي على هالضابط .
توجهت إلى الجفير / فندق رآمي بلآس هاه بكم ؟ قال : غرفه وصاله ب 300 قلت : اوك ابيها الجمعه والسبت
طبعا نظيفه ومرتبه مع مطبخ ودورة مياه ، نزلت اغراضي من السياره وكان مواقف الفندق شبه مزحومه من سعوديين واماراتيين وقطريين وكويتين
نزلت وخذيت لي عصير عشان أروق بعد مشاكل الجوازات ، طلعت لغرفتي وسهرت على كم فلم ، ثم توجهت إلى مكان ترفيه تحت دي جي ، الدخول ب 100 ريال
رجعت سهرت في الشقه للصباح ثم نمت .
نقاط سلبيه في رامي بلاس :العصير غالي ، يعني خذيت عصير صغير ب 360 ريال اللي يسمونه (أبو كف ) كبر كف اليد وعارف لعبو علي بس كانت الساعه 2 الليل .
يوم السبت قمت وقلت بروح اتغدا بالسيتي سنتر واناظر فلم ، توجهت للمكرونه والمحل المشهور في السيتي
وغلطتي اني حركت راسي يوم قال : سبايسي سير ؟
اكلت المكرونه ورحت للسينما حجزت لفيلم المرتزقه2 وانصحكم تشوفونه ،توجهت بعد الفلم إلى الشقه ومريت على التاج بلازا ، هاو ماتش ؟ قال: 50 دينار ؟ ضحكت وسفهته توجهت بعدها لرامي أنتر ، هاو ماتش ؟ قال : غرفه بس ب 400 ؟ قلت لآ ، رجعت بعدها للفندق وسهرت في أحد اماكن الترفيه بالدور الاول ، ثم كملت سهرتي بالشقه
وقمت الظهر يوم الاحد سويت تشك آوت من رامي بلاس ، وتوجهت لشارع المعارض لفندق مورينو بكم الغرفه ؟ قالو ب 400 ، غرفه بس بدون صآله . قلت بشوف وارجع لكم .
بدت حالتي المرضيه تسوء بسبب المكرونه اللي بالسبايسي ، وانا ممنوع من الشطه والحارات تحملت حتى وصلت لمجمع السيف ، اكلت بيتزا ورحت الصيدليه وهنا بدت مشكله ثانيه ، كيف افهم الاخصائيه هندية الجنسيه عن البواسير ؟ خخخخ
اخذت العلاج ورحت للسينما بالسيف ، وكان موظف التكت اخلاقه شينه بس لأجل البحرين يهون كل شي ، دخلت فلم القاتل المحترف وانا لحالي والسوق كان شبه فاضي الساعه 4 العصر ، طالعت الفلم ورجعت لشقق مورينو وش قلتو وبكم ؟ قالو : ب 500 !!!!؟ قلت : انا جاي العصر وتقولون ب 300 ؟ قالو : اوك اوك ب 300 ؟؟؟؟؟؟
اخذت الغرفه ووقفت سيارتي بالمواقف ، تعشيت وسويت مساااج بالمركز الصحي حقهم بالدور الثاني وسهرت بأكثر من مكان ترفيه في الفندق من الدور الثامن إلى السادس إلى إلى الخ
نمت وقمت وسويت تشك آوت
وحالتي المرضيه كل مالها وتزيد للأسوء ، فقررت أني أمشي
مريت مجمع السيف واشتريت هديه لنفسي لأني اظنها آخر سفره لي إلى مملكة البحرين الحبيبه وودعت البحرين ورجعت

اللي بيسأل عن الوضع الامني بقوله ، الوضع حلو والشرطه بكل مكان ، واللي ماراح البحرين يروح والله الوضع تمام التمام بأماكن السياحه ، والمتواجدين أكثرهم سعوديين وقطريين وأماراتيين وعدد بسيط من العمانين .
هذا آخر عهدي بالبحرين الحبيبه ، ماتمنيت الفراق لكن وش اسوي حسبي الله ونعم الوكيل .
في سفرتي هذي تعرفت على بحرينين وكويتين وقطريين وسعوديين واماراتيين ، بصراحه من احلى سفراتي للبحرين .
نصيحه لزملائي العسكريين تأكدو من اوراقكم ، الجوازات تطالب العسكريين بوثيقة الاجازه + القرار للسفر للبحرين
والله اول مرره اسمع بشي اسمه قرار ، لكن غريبه حركات الجوازات ؟
آسف على الاطاله ، وبالنسبه للصور صورت لكن خبرتي قليله بالمنتديات وماعرف كيف ارفع الصور

وشكراً

المصدر: المسافر السياحة و السفر

 

 

[حمدان حميد]

كلام الضابط صحيح

انا عسكري ومقدر اطلع من السعوديه الابوثيقه خارجيه

بس الحين ممنوعين من السفر للبحرين و اليمن ومصر وليبيا

 

 

[مظلي]

الحمدلله على سلامتك وماتشوف شر

بالنسبه للوضع الامني ائيدك في كلامك
انا كنت في البحرين قبل رمضان والوضع الامني ممتاز

 

 

[ماريووووت]

الحمد لله على السلامة

 

 

[فزااع]

الحمدلله على السلامة يالذيب وتسلم على التقرير

 

 

[Mr.dante]

استمتعت بقرات التقرير
وحمدلله على سلامتك

لكن في مثل حالتك بواسير الله يعينك
افضل علاج لها مرهم neo healar

 

 

[سهم الارباح]

حمدلله على سلامتك وماتشوف شر يالغالي


عندي لك علاج للبواسير مجرب من أحد الإخوان

 

 

[عابر الجسر]

الحمد لله على السلامه وهاذي مشكلة العسكر
تحياتي
عابر الجسر

 

 

[كلنا عيال 9]

اخوي حمدان
يعطيك العافيه ، بس ممكن توضح لي اكثر وش محتويات الوثيقه ؟
ﻷن قطاعي مايعطيني الا اجازه خارجيه مختومه وموقعه .
اليمن وليبيا اوك ، بس مصر والبحررين ليييييه ؟؟
انا نااوي دبي او مصر ليه يمنعونناا ؟


مظلي
الله يسلمك ولاتشووف الشرر ، كلك ذوق يالغالي .

ماريووت
الله يسلمك وانا اخوك وشاكر لك وجودك .

فزااع
الله يسلمك ووش صار سافرت والا متى رحلتك


daNte

الله يسعدك ويخليك ، شكرا على مرورك وبجررب ذا العلاج اذا ماتحسنت ، وترا انا من متابعينك يالغالي .




سهم الارباح
هلا بالغالي هلا بالكيننج ، الله يسلمك وماتقصرر وترا انتظر تقريرك واسلوبك الراقي فديتك ، تسلم الله يوفقك ويسعدك .


عابر الجسر
الله يسلمك من كل شر ، واي والله مشكلة اجازاتنا يالعسكر ماندرري نلقاهااا من العمل والا من الجوازاات ونظاامهم اللي مادري من وين يجيبونه.

 

 

[Saleh_911]

الحمدلله ع السلامـه يآحلووو ,, ومآتشووووف شررر , وتقرير حلو ولا اروووع ,